काठमाण्डौं - चर्चित लोक गायक पशुपती शर्माले कोरोना भाईरस (कोभिड १९) बाट बच्न सन्देशमुलक गित बजार ल्याएका छन् । शर्माले जनहित र जनचेतनाका लागी “कोरोना भाईरस” नामको गित सार्वजानिक गरेका हुन् ।

उक्त गितमा गायक शर्मा हाल महामारीको रुप लिएको कोरोना भाईरसबाट कसरि बच्न सकिन्छ ? कसरी आफु र अरुलाई सुरक्षित रख्ने भन्ने कुरा प्रस्तुत गरेका छन । उक्त गितको भिडियोमा स्वयम गायक पशुपती शर्मालाई फिचर्ड गरी छायांकन गरिएको छ ।

गितमा गायक शर्माले स्वर दिएका छन् भने दुर्गा पौडेलले निर्देशन गरेका छन् । गितको रचना र संगित स्वयं शर्माको छ । गितले कोरोना भाईरसबाट बच्ने सन्देश प्रवाह गरेकाले व्यापक भ्युज पाउनुका साथै त्यही अनुसार सेयर भैरहेको छ ।