चरिकोट - दोलखा कालिञ्चोक गाउँपालिका–९ मा एक युवक मृत अवस्थामा भेटिएका छन् । सुक्राम सामुदायिक वन क्षेत्रमा कालिञ्चोक गाउँपालिका वडा नम्बर ९ सुन्द्रावती निवासि २७ वर्षिय शिव थामी मृत भेटिएका हुन् ।

बिहिवार अबेरसम्म घर नफर्किएपछि खोजी गर्ने क्रममा उनलाई सामुदायिक वनमा मृत फेला पारिएको थियो । मृतकको शरिरमा चोट देखिएको र लडेर मृत्यु भएको स्थानीयले बताएका छन् ।

जिल्ला प्रहरी कार्यालय दोलखाका प्रहरी निरीक्षक रेशम वोहराले भने मृत्यु रहस्यमय रहेको र घट्नास्थलमा पुगेर प्रहरीले अनुसन्धान गरिरहेको बताए । शवलाई पोष्टमार्टमका लागि सदरमुकाम चरिकोट ल्याईएको छ ।

प्रहरी निरीक्षक बोहराका अनुसार लडेर मृत्यु भएको भन्दै परिवार तथा आफन्तजनले हालसम्म जाहेरी दिएका छैनन् ।