काठमाण्डौँ - कारोना संक्रमणबारे सामाजिक संजालमा एउटा अडियो क्लिप भाईरल भैरहेको छ । उक्त अडियोमा नर्भिक अस्पतालमा ६ जनामा कोरोना संक्रमित भेटिएको भनिएको छ । त्यसले जताजतै मनोवैज्ञानिक त्रास सिर्जना गर्यो । सरकारले एकजना संक्रमितको उपचार भैसकेको तर नयाँ संक्रमित पुष्टि नभएको भन्दै अफवाहको पछि नलाग्न आग्रह गरिरहेको छ ।

नर्भिक अस्पतालले पनि विज्ञप्ती जारी गर्दै सामाजिक संजालमा भ्रामक र कपोकल्पित अफवाह फैल्याईएको भन्दै खण्डन गरिसकेको छ । मुलुकी अपराध संहितामा त्यस्ता अफवाह फैल्याउने र प्रचारप्रसार प्रचलित ऐन कानुन बमोजिम दण्डनिय मानिएको छ ।

दोषीलाई कानुनी कारबाहीको व्यवस्था छ । झुट्ठा अफबाह फैलाए एक वर्षसम्म कैद वा दश हजार रुपैयाँसम्म जरिबाना वा दुवै सजाय तथा सो सजायका अतिरिक्त विद्युतीय माध्यम प्रयोग भएको हुँदा थप सजाय समेत हुनसक्ने प्रहरीले जनाएको छ ।

मुलुकी अपराध संहिता २०७४ को परिच्छेद २ ‘सार्वजनिक शान्ति विरुद्धका कसूर’ मा भएको प्रावधान यस्तो छ :

झुट्ठा अफबाह फैलाउन नहुनेः

कारोनाको संक्रमणका विरामी भेटिएको अडियो रेकर्ड गरी प्रचार गर्ने व्यक्तिको प्रहरीले खोजी गरिरहेको जनाएको छ । यसमा संलग्न व्यक्तिहरूको पहिचानका लागि अनुसन्धान प्रकृया अगाडी बढाईसकिएको नेपाल प्रहरी स्रोतले जनायो ।